თუ თქვენს კომპანიას ყავს კლიენტები რომლებთანაც აფორმებთ ერთჯერად ხელშეკრულებებს, მაგ: თანხმობა პირადი ინფორმაციის დამუშავებისთვის ან რაიმე სერვისის გასააქტიურებლად ერთჯერადი კოდის მიღება მობილურზე, და ხელშეკრულებებს ბეჭდავთ და ინახავთ, აწი უკვე ჩვენი პორტალის დახმარებით ეს ყველაფერი შეიძლება გაკეთდეს ელექტრონულად. ხელშეკრულებები შეინახება ჩვენთან ციფრულად.
თქვენ რეგისტრირდებით ჩვენს საიტზე, შემდეგ ქმნით კომპანიას (კომპანია გადის ვალიდაციას), ქმნით წინასწარ რამდენი ხელშეკრულებაც გჭირდებათ იმდენ შაბლონს და შემდეგ კლიენტის რეგისტრაციისას (სახელი, გვარი, პირადი ნომერი, ტელეფონი) და შესაბამისი შაბლონის არჩევისას, იქმნება ავტომატურად ხელშეკრულება (კლიენტის პირადი მონაცემების გადაკოპირაბა აღარაა საჭირო, ეს მონაცემები ავტომატურად ჯდება ხელშეკრულების შაბლონში).
შემდეგ ზემოთ შექმნილი ხელშეკრულება ავტომატურად ეგზავნება კლიენტს მითითებულ მობილურის ნომერზე SMS-ის სახით, რომელშიც არის უკვე თავად ხელშეკრულების ბმული, რაზეც გადადის თქვენი კლიენტი და ადასტურებს ერთი ღილაკის დაჭერით.
დამატებითი პუნქტი: თუ კლიენტი ერთი საათის განმავლობაში არ დაადასურებს ხელშეკრულებას, შემდეგში მისი დადასტურება ვეღარ მოხდება და თავიდან იქნება საჭირო შექმნა.
ამ პორტალით მუშაობისას თქვენ შეგიძლიათ შექმნათ რამოდენიმე მომხმარებელი და თითოეულმა იმუშაოს თავის კლიენტებთან (მომხმარებლების მაქსიმალური რაოდენობა დამოკიდებულია იმ პაკეტზე რომელსაც თქვენ აირჩევთ).
თქვენ როგორც ადმინისტრატორს გექნებათ შესაძლებლობა ნახოთ შექმნილი ხელშეკრულებების სტატისტიკა როგორც თარიღის ასევე თქვენი მომხმარებლების მიხედვით.
ხელშეკრულებები ინახება ჩვენს სერვერზე, მისი მოძებნა შეგიძლიათ ნებისმიერ დროს, თუ ვის როდის და რა ხელშეკრულება გაუფორმეთ. ასევე შესაძლებელი იქნება ამ ხელშეკრულების pdf-ის სახით ჩამოტვირთვა.
ხელშეკრულებების შენახვა უვადოა, სანამ თქვენ იქნებით ჩვენი კლიენტი (ასევე ჩვენთან კონტრაქტის გაწყვეტის შემთხვევაში თქვენ კიდევ ერთი წლით შეგენახებათ ინფორმაცია, რის შემდეგაც მოხდება მისი წაშლა).
კლიენტთან მუშაობის ზემოთ მოყვანილი ყველა პუნქტი შეიძლება გაკეთდეს თქვენივე შიდა პროგრამიდან. თუ თქვენი კომპანია იყენებს რაიმე პროგრამას, პროგრამისტებმა შეუძლიათ ჩაამონტაჟონ ეს ფუნქციონალი თქვენთან, რის შემდეგაც თქვენ აღარ დაგჭირდებათ ჩვენს პორტალზე შემოსვლა, ჩვენი პროგრამები გააკეთებენ კომუნიკაციას ამ API-ს საშუალებით.
API-ს გამოსაყენებლად საჭიროა კომპანიას შეუქმნათ თოქენი, დაწვრილებით როგორ მუშაობს ეს სერვისი შეგიძლიათ იხილოთ შემდეგ მისამართზე: API